مدري متى تصبح عيوني على خيـر
..................... ومدري متى وانـا وحزنـي ثنائـي
أشعر بعزلة حس .. اشعـر بتأثيـر
..................... شي أكبر من انـي اكـون انطوائـي
فـي بيئتـي لكـل الاحـلام تفسيـر
..................... وعجزت افسـر واقعـي وانتمائـي
انا انتمي للشمس.. للعشب .. للطير
..................... لحزن شاعـر .. لفضيلـة روائـي
انا انتمـي .. للمظلمـات المناويـر
..................... اللـي بهـا تمـددي .. وانـزوائـي
احبك .. ولا زلت كل آخـر عصيـر
..................... احـرق قرابينـي .. واجـدد ولائـي
انا الفقيـر اللـي بعـد حبـك اميـر
..................... وانا الاميـر اللـي فقربـي رجائـي
وانا الثقيل الممتلـي صـدق تعبيـر
..................... ومعاك احس انـي شقـي ومرائـي
خذني معك .. للصبح .. للحلم ..للغير
..................... كل شي من غيـرك كئيـب وبدائـي
بعثرني .. رتبني .. مكان ومشاويـر
..................... انـا ضحيـة هالدهـاء النسـائـي
الجمعة أكتوبر 22, 2010 2:01 pm
